Documentos

Nha fidju kim nkre txeu,
Nsata skrebeu es 2 linha li pa bu sabi ma nsta bibu. Nsata skrebi divagar pamodi nsabi ma bu ka gosta di lê “umanaforsa”(rápidu).
Si bu resebi es karta e pamodi e txiga. Si bu ka resebi, avizan nta mandou ôtu.
Bu pai lê na jornal ma maioria di asidenti ta kontisi a 1km di kaza, pur isu, nu muda pa más lonji di undi nu staba.
Kel kazaku ki bu manda pidi, bu tiu fla ma ta ser karu si nu mandou el pa kureiu pamodi kes botôn di feru ke ten ki ta peza txeu. Nton, nrinka tudu kes botôn npôs dentu bolsu kel kazaku. Óras ki kazaku txiga, bu ta tra kês botôn dentu si bolsu bu ta pregâs ôtu bês.
Ontonti, un butixa di gás spludi li na nôs kuzinha. Spluzôn fulhanu, mi ku bu pai, na altuuuura, pa fora di kaza. Foi emosionanti propi: foi 1º bês ki, dipôs di kazamentu, mi ku bu pai nu sai djuntu.
Trizontonti tanbê, karu da na nôs katxôr, "Kabuliga", y, la na veterináriu es tevi ki kortal rabu. Pur isu, toma kuidadu óras ki bu ta salta strada.
Na simana pasadu, médiku ben djoben li na kaza, e pon un ramedi na boka ki nfika sen pâpia duranti 3 óra. Bu pai dja da xpidenti ti ki dje kunpra un kaxa di kel ramedi, sen reseita. E fla ma fazen ben!
Bu irmá sta prenhaaaada! Más inda nu ka sabi si fidju e matxu ô fémia, pur isu, nka sabi si bu sata ser tiu ô tia!
Bu irmôn ôji dan txeu trabadju! E fitxa karu e dexa txabi na kuadranti. Ntevi ki bai kaza buska kelôtu txabi…nha sorti e ki ntxiga antis di txuba kai pamodi e dexa karu diskapotadu.
Si bu odja nha Djandja bu flal ma n’mandal mantenha. Si bu ka odjal ka bu mesti flal nada.
Fika dretu…Beijus di bu mai Funuka.
Ahhh…paxenxa go! Era pan mandaba kel 10 kontu ki bu manda pidin más kantu ki n’lenbra djan fitxaba karta.Bu pai lê na jornal ma maioria di asidenti ta kontisi a 1km di kaza, pur isu, nu muda pa más lonji di undi nu staba.
Kel kazaku ki bu manda pidi, bu tiu fla ma ta ser karu si nu mandou el pa kureiu pamodi kes botôn di feru ke ten ki ta peza txeu. Nton, nrinka tudu kes botôn npôs dentu bolsu kel