Lely mountains

2005 Fa den ondrosuku presi tan Lely nanga Nassau bergi na tu bergi na ini a sei foe Sranan pe son e opo. A doti habi boksit nanga isri di moksi kon tron tranga doti. Lely habi wan tu bergi di hei 700 m. Nassau habi fo bergi di hei 500 -700 m. A ondrosuku feni presi tapu den bergi di hei moro 500 m, so leki Lely: bergisabanabusi, hei dreigron busi, swampu nanga den difrenti sortoe palmbon nanga jongu busi, tapu Nassau hei dreigron busi, pikinso bergi sabana busi, pikinso palmbon swampu, jongu busi en wiwiri ini presi pe den koti a busi foe meki pasi nanga presi pe opolangi e saka. Den bergi disi habi furu presi pe watra e lon san sma di e tan drape kan dringi, so srefi wrokopresi leki wroko gowtu, njan-njan, dresi nanga udu fu bow oso, den sma kan feni. Fu san ede wi ondrosoku a presi A ondrosuku dis na Nassau nanga Lely bergi ben du fu feni sabi di ben mankeri fu a sei dati fu Sranan pe son e opo. A wrokomakandra di wi ben habi na ini a jari 2002, fu poti na tapu papira, den fosi sani di musu psa, a ben kon na krin taki wi ben mankeri prinspari sabi fu den bon, wiwiri, meti, nanga watra fu den bergi disi, di de fanodu fu kibri den. A sabi di kon na krin fu fowru, meti, fisi, todo, sneki, mira nanga tor, o meki sma sabi den bon nanga meti moro bun, nanga fu kan poti den nanga di fu Brownsbergi, sei – nanga - sei nanga di fu tra kontren na ondrosei fu Sranan, nanga wan tu tra kondre di de krosibei fu Sranan, fu luku a warti san den habi so srefi…